Gjykata e Tiranës ka dhënë sot masën e sigurisë “Arrest me burg” për 35-vjeçarin Alfred Kazanxhi, i cili dhunoi fëmijën 3-vjeçar të partneres së tij.
Përpara togave të zeza, i akuzuari ka mohuar të ketë ushtruar dhunë.
Ai është shprehur se djali është rrëzuar nga divani.
I mituri ndërkohë u ka pohuar psikologëve se është rrahur nga njerku.
Për momentin ai ndodhet tek spitali i Traumës, në gjendje të rëndë shëndetësore për shkak të frakturave të shumta që ka marrë nga goditjet.
I mituri ka 7 brinjë të thyera dhe ka pësuar hemorragji të brendshme në kokë.
Denoncimi në polici ndërkohë është bërë nga halla e 3 vjeçarit.
