Mediat greke kanë raportuar se janë regjistruar episode të rënda dhune në burgun e Avlonas, në Greqi.
Situata është tensionuar që nga java e kaluar, ku algjerianët plagosën me thikë në këmbë një të burgosur shqiptar, që kërkonte mbështetje në programin e detoksimit, pasi është përdorues droge.
Episodet e dhunës kanë vazhduar dhe sot, dy grupet janë përleshur me armë të ftohta, madje kanë hedhur dhe vaj të nxehtë.
Për të qetësuar këtë situatën kanë ndërhyrë rojet e burgut, por gjendja mbetet ende e tensionuar.
