Gjykata e Tiranës ka vendosur “Arrest me burg” për dy persona të arrestuar dhe ka shpallur në kërkim tre të tjerë në lidhje me sulmin ndaj avokatit Sokol Mëngjesi.
Dritan Nano dhe Dorian Alija nuk e kanë pranuar akuzën, duke thënë se ngjarja nuk ka qenë e organizuar.
Gjendja shëndetësore e avokatit Sokol Mëngjesi i dhunuar 4 ditë më parë për shkak të detyrës, vijon të jetë e njëjtë. Ai ndodhet ende në intubim në spitalin e Traumës, i stabilizuar por pa asnjë ndryshim.
Gjendja shëndetësore e avokatit po monitorohet intensivisht nga stafi mjekësor në reanimacionin e Traumës. Ai nënshtrohet ekzaminimeve herë pas here për të parë gjendjen e tij. Nëse gjendja e avokatit do të jetë e njëjtë edhe këto 2 ditë, ditën e hënë mund të ulet doza e qetësuesve në mënyrë graduale dhe mund të shihet si do të reagojë pacienti.
