Vendi ynë u përfshi javën e kaluar nga temperatura shumë të ulëta dhe nga reshje të dendura bore. Shumë zona mbetën të bllokuara, ndërsa qytetarët mbetën për orë të tëra në radhë trafiku në të ftohtë. Në asnjë moment qeveria nuk ndërhyri që të pastronte rrugët e të vinte në dispozicion borëpastruese e kripëhedhëse, por ministrja përgjegjëse, Belinda Balluku bënte shfaqje në Instagramin e saj që të dukej sikur situate ishte nën kontroll. Në Lezhë qytetarët mbetën të bllokuar për më shumë se 8 orë, po ashtu edhe në doganën e Qafë-Thanës. Ndërkohë, ngjarja më e rëndë u shënua në Dibër ku një e moshuar humbi jetën pasi makina që po e transportonte në spital u bllokua në mes të borës. Veç këtyre, kanë qenë të dhimbshme pamjet nga çadrat ku qëndrojnë banorët shtëpitë e të cilëve janë dëmtuar nga tërmeti. Ata i kaluan netët e ftohta në qiell të hapur, ndërsa qveria jep çelësa shtëpishë vetëm për fushatë.
Pas kësaj panorame të qartë neglizhence dhe papërgjegjshmërie, kryeministri Rama ka reaguar tashmë që doli dielli, duke falenderuar të gjithë ata që janë angazhuar për zhbllokimin e rrugëve pas stuhive të jashtëzkonshme. Natyrisht, janë për t’u falenderuar punëtorët që e shpërndanin kripën me duar nga kamionët, por nuk është aspak për t’u falenderuar shteti që i detyron të punojnë në kushte të tilla. Fatmirësisht temperatuart kanë pësuar rritje dhe në një pjesë të mirë të vendit koha është me diell, ndryshe bora që mbuloi rrugët do ushte ende duke pritur për t’u pastruar.
Reagimi i Ramës:
✅ Faleminderit dhe respekt për mijëra forcat e angazhuara në zhbllokimin e rrugëve pas stuhive të jashtëzakonshme të borës, që provuan se gatishmëria, organizimi dhe kapacitetet për këto situata dramatike, janë rritur ndjeshëm, ndërkohë që padyshim beteja e ditëve të fundit na ka mësuar edhe se ku e si duhet të ndërhyjmë, për përmirësime të mëtejshme🙏
blob:https://www.facebook.com/38ac17c1-c788-410d-b9a1-333a6f20a68f
