Ish-drejtori i Aluiznit në Elbasan do të procedohet në gjendje të lirë.
Andon Lapa 36 vjeç, akuzohet për veprat penale “Falsifikim vulash ose stampash dhe i formularëve” dhe “Shpërdorim detyre”.
Ky i fundit është banues në qytetin e Sarandës.
Rezulton se Lapa ka dhënë leje legalizimi për një banesë në kundërshtim me ligjin.
Materialet proceduriale i kaluan Prokurorisë së Elbasanit për veprime të mëtejshme.
NJOFTIMI I POLICISE
Specialistët për Hetimin e Krimit Ekonomik e Financiar në Drejtorinë Vendore të Policisë Elbasan, proceduan në gjendje të lirë shtetasit:
- A.L., 36 vjeç, banues në Sarandë, me detyrë ish- Drejtor i Aluiznit në Elbasan, për veprat penale, “Falsifikimi i vulave, i stampave ose i formularëve” dhe “Shpërdorimi i detyrës”, pasi ky shtetas në vitin 2015 ka dhënë leje legalizimi për një banesë në kundërshtim me ligjin .
- G.B., 33 vjeç, banues në Elbasan, për veprat penale “Fshehja të ardhurave” dhe “Punësimi i paligjshëm”, pasi në aktivitetin e tij privat punonte pa dokumentacionin përkatës.
Materialet hetimore i kaluan Prokurorisë pranë Gjykatës së Shkallës Parë Elbasan, për veprime të mëtejshme.
