Nga çasti në çast informacione të reja na vinë për grabitjen e Rinasit ku u rrëmbyen 10 milionë euro.
Mësohet se personi që ka mbetur i vrarë, ka pasur të vendosur në kokë një maskë silikoni që të fshihte identitetin e vërtetë.
Nga fotot që janë mundësuar nga “balkaweb”, mund të shquhen personat, ku njëri është i veshur me uniformë ushtarake dhe mbanë në duar një armë tip kallashnikov, ndërsa autori tjetër duket i veshur si polic, me jelek të zi dhe këmishë blu.
Ky i fundit dyshohet të jetë personi që mbeti i vrarë gjatë shkëmbimit të zjarrit me policinë.
Theksojmë që ende nuk kemi një informacion zyrtar nga policia për identitetin e grabitësit qe humbi jetën sot në Rinas.
Ndërkohë në polici janë shoqëruar rreth 40 persona të cilët po merren në pyetje mbi ngjarjen.
Ky është rasti i dytë i grabitjes së parave brenda pistës së aeroportit të Rinasit dhe i katërti i grabitjes së parave të bankave që shkojnë drejt Rinasit.
