Detaje tronditëse janë mësuar nga ngjarja e rëndë që ka ndodhur pasditen e sotmen në zonën e Kombinatit në Tiranë ku nënë e bijë u gjetën pajetë në banesë.
Burime zyrtare bëjnë me dije se ato ndiqnin sektin e Dëshmitarëve të Jehovait.
Dyshohet se vajza Anisa Josifi, 30 vjeçe mund të ketë ndërruar jetë disa ditë më parë, ndërsa nëna Zhaneta Josifi, 56 vjeçe mund të jetë vetëflijuar ditën e sotme.
Nga ana tjetër vajza tjetër Blerta Josifi ndodhet në gjendje të rëndë shëndetësore dhe është dërguar në spital.
Po ashtu mësohet se kohët e fundit ato ishin përballur edhe me një lajm të trishtë. Kryefamiljari, babai i vajzave kishte ndërruar jetë.
Ndërkohë Policia e Shtetit ka dhënë informacionin zyrtar lidhur me ngjarjen e rëndë të ndodhur në Kombinat, ku humbën jetën nënë e bijë, ndërsa në koma është edhe vajza e dytë. Ka qënë vëllai i të ndjerës, me iniciale S.F., ai që ka telefonuar ditën e sotme Komisariatin e Policisë nr.6 se motra e tij nuk i përgjigjej në telefon dhe se nuk i hapte derën e banesës.
Pas alarmit të vënë nga vëllai i të ndjerës, forcat zjarrfikëse kanë shkuar në banesën e tyre dhe kanë hapur me forcë derën e tyre duke i gjetur të pajeta. 56-vjeçarja Zhaneta Josifi dhe vajza e saj Anisa, 30 vjeç, u gjetën pa shenja jete.
NJOFTIMI I PLOTË:
Tiranë/Informacion paraprak
Më datë 02.07.2020, shtetasi S.F, ka njoftuar në Komisariatin e Policisë nr 6 se në rrugën “Hamdi Cenoimeri”, motra e tij nuk i përgjigjej në telefon dhe nuk i hapte derën e banesës.
Në banesë kanë shkuar shërbimet e Policisë dhe të zjarrfikses dhe pasi kanê hapur derën, kanë gjetur pa shenja jete shtetasen ZH.J., 56 vjeçe dhe vajzën e saj A.J., 30 vjeçe, ndersa vajza tjetër B.J, rreth 34 vjeçe, është dërguar në spital, në gjendje të rëndë shendetësore.
Paraprakisht nga veprimet e para hetimore dyshohet se janë vetëflijuar. Grupi hetimor i përbërë dhe nga dy ekspertë të mjekësisë ligjore ndodhet në vendngjarje dhe po punon për zbardhjen e plotë të rrethanave të ngjarjes .
