Detaje të reja për atentatin ndaj Ndojës, dosjet e gjetura në makinë nuk ishin të Prokurorisë së Durrësit

Google+ Pinterest LinkedIn Tumblr +

Dokumentet e gjetura në makinën e prokurorit Arjan Ndoj, nuk janë dosjet e vjedhura të Prokurorisë së Durrësit.

“Faxweb” shkruan, se grupi hetimor ka konfirmuar diçka të tillë, ndërsa është duke pritur edhe analizat e ADN-së.

Të plagosur në atentatin e Durrësit mbetën prokurori Arjan Ndoja dhe Landi Muharremi.

Këta të fundit pritet të lënë spitalin ditën e sotme, pasi gjendja e tyre është përmirësuar.

Nuk pati të njëjtin fat shoferi Andi Maloku, i cili ndërroi jetë disa ditë pas atentatit.

Deri më tani policia ka arrestuar vetëm Redjan Rrajën, i cili është lënë në masën e sigurisë “Arrest me burg”.

Fillimisht u përfol se dosjet e gjetura në makinën e prokurorit ishin ato të vrasjes së gjyqtarit Skerdilajd Konomi në Vlorë dhe ato të vjedhurat në Prokurorinë e Durrësit , pak muaj më parë.

Skerdilajd Konomi u eliminua më 9 shtator të 2011-ës, nëpërmjet shpërthimit të një bombe në makinën e tij.

Dyshohet se eliminimi i Konomit ka lidhje me konfliktin për pronat në Gjirin e Lalëzit në Durrës.

Shpërndaje
Share.

Komento