Detaje të reja nga vrasja e Florjan Lamçes në Elbasan: Zbulohet shaku i vdekjes, prokuroria kërkon arrest me burg për Sokol Sanxhaktarin

Google+ Pinterest LinkedIn Tumblr +

Prokuroria e Elbasanit ka kërkuar arrest me burg për Sokol Sanxhaktarin i cili është dhe dhëndër i ish- kryebashkiakut të Elbasanit, Qazim Sejdini dhe autori i vrasjes së Florjan Lamçes mbrëmjen e kaluar në Elbasan.

Ka qenë vetë prokurori  i çështjes, Kreshnik Ajazi që ka kërkuar në Gjykatë masën “arrest me burg” për Sanxhaktarin.

Sanxhaktari i është nënshtruar testit të  Policisë dhe ka rezultuar se në gjak kishte 0.7 gl/l alkool, që i bie 0.2gl/l më shumë sesa normalja për të konsideruar një person të dehur.

Ndërkohë Sanxhaktarit do t’i bëhen edhe analizat e gjakut për të parë nëse ka qënë ose jo nën efektin e lëndëve narkotike. Pasi edhe ditën e sotme policia e Elbasanit i ka marrë në pyetje për të dytën herë Sanxhaktarin dhe mikun e tij Adriano Hajdarin për të mësuar me tepër në lidhje me ngjarjen por për shkak të alkoolit ata nuk mbanin mend asgjë.

Gjithashtu sipas ekspertizës mjeko-ligjore, 40-vjeçari Florjan Lamçe  është vrarë nga çarja e aortës në parakrahun e majtë dhe thyerja e kafkës. Goditja  në kokë me një këmbë karrigeje, ka qenë ajo që i ka shkaktuar vdekjen .

Shpërndaje
Share.

Komento