Zbardhen detaje të reja nga atentati me eksploziv mbrëmjen e sotme në sotme në rrugën “Irfan Tomini” në Tiranë ose siç njihet ndryshe “Ura e Nisharakut”.
Mësohet se shënjestra dhe personi që ka mbetur i plagosur në atentatin me tritol mbrëmjen e sotme në Tiranë, është Preng Gjini i cili shërbyer si efektiv pranë Gardës së Republikës. Ai nuk është një emër i panjohur, pasi ai është një person me precedent penalë, i përfshirë në aktivitetet e jashtëligjshme të Gasper Reçit, i cili u ekzekutua në Romë, në muajin prill të vitit 2017.
Gjini është vëllai i Armando (Tonin) Gjinit, ish-ushtari i Met Kananit që u ekzekutua në Rrëshen.Ai po lëvizte me makinë bashkë me dy fëmijët dhe bashkëshorten e tij, kur dy persona kanë qëlluar me armë zjarri duke e lënë të vdekur. 48-vjeçari kishte dy identitete, Armando Gjini dhe Tonin Gjini.
Ndërkohë atentati i sotëm i Prengut është realizuar me telekomandë, pasi lënda plasëse, ishte vendosur poshtë sediljes së shoferit, pikërisht në vendin ku ndodhej edhe Gjini, në automjetin e llojit “Golf”, ngjyrë gri.
Preng Gjini është dërguar me urgjencë në spitalin e Traumës ku ndodhet jashtë rrezikut për jetën por plagët që ka marrë janë shumë të rënda.Bashkë me të kanë mbetur edhe dy persona të tjerë të plagosur të cilët ndodheshin rastësisht pranë mjetit kur ndodhi ngjarja, ku njëri prej tyre është shtetas italian.
Drejtori i Spitalit të Traumës në Tiranë, Arben Zenelaj ka deklaruar se Preng Gjini është në sallën e operacionit dhe se është në gjendje të rëndë për jetën.
“Ka mbërritur në gjendje të vështirë për jetën, është në operacion dhe po operohet. Është diçka më ndryshe nga momentet e para. Situata mbetet në vështirësi. Dëmtimet janë të rënda. Mjekëtë janë fokusuar tek shpëtimi i jetës, është në ndërhyrje kirurgjikale. Detajet janë të rezervuara. Në orët në vijim do të ketë informacione dhe përditësim,”– tha Zenelaj.
