Detaje të reja janë zbuluar pas atentatit ndaj prokurorit Arjan Ndoja, të regjistruar 4 ditë më parë.
“Top Channel” shkruan, se në makinën e prokurorit, janë gjetur disa dokumente.
Në mesin e tyre ishte edhe dosja e vjedhur nga kasaforta e Prokurorisë së Durrësit dhe ajo e gjyqtarit, Skerdilajd Konomit, të vrarë disa vite më parë me lëndë eksplozive në makinë.
Pista kryesore e hetimit është një konflikt për tokat e pretenduara nga familja e vikimës, ku pak kohë më parë dyshohet se është bërë një transaksion i dyshimtë, në favor të një organizate kriminale.
Ky mendohet të jetë edhe shkaku i konfliktit ndërmjet prokurorit dhe drejtuesit të ri të hipotekës, i cili kishte rënë në gjurmët e këtij transaksioni.
“Top Channel” shkruan se nëse gjithçka që thuhet më sipër rezulton e saktë, del në pah lidhja e prokurorit me personin që ndodhej në makinë me të, që figuron si anëtar i kësaj organizate.
Përsa i përket vjedhjes në Prokurorinë e Durrësit në maj të 2018-ës, u tha se asnjë nga dosjet nuk kishte humbur, pasi ishin dubluar.
