Policia dhe SPAK kanë zbuluar një laborator kokaine në Kavajë, ndërsa kanë zhvilluar kontrolle në dhjetëra banesa në Tiranë, kryesisht në Kodrën e Diellit.
Operacioni, i koordinuar me autoritetet spanjolle, ka çuar në arrestimin e disa personave të dyshuar si pjesë e një rrjeti kriminal që vepronte në Shqipëri dhe Spanjë.
Aksioni drejtohet nga zv/drejtuesi i SPAK, Adnand Xholi, ndërsa Forcat Operacionale kanë rrethuar zonën e Kodrës së Diellit.
Deri tani është sekuestruar një sasi e konsiderueshme kokaine, por detaje mbi identitetet e të arrestuarve apo objektivat kryesorë mbeten të paqarta.
