Mbledhja e sotme që Ministri Sandër Lleshaj ka bërë në ministri me vartësit e tij dhe disa nga drejtorët më të rëndësishëm të Policisë së Shtetit duket se ka sjellë disa detaje të rëndësishme.
Ashtu siç është bërë e ditur edhe më herët, një nga temat kryesore të mbledhjes së sotme ka qenë edhe grabitja e ndodhur në Aeroportin e Rinasit, ku sipas Report Tv, në mbledhje janë bërë të ditura edhe identitetet e dy grabitësve të tjerë.
Sipas kësaj mediaje tashmë dy autorët janë identifiuar dhe ndodhen brenda territorit të vendit, ndërkohë që janë duke u mbajtur nën vëzhgim deri në momentin e përshtatshëm për t’i vendosur në pranga, gjë që pritet të ndodhë në ditët në vijim.
Emrat e tyre nuk janë bërë ende të ditur dhe kjo për shkak të hetimit.
Në Aeroportin e Rinasit në datë 9 prill janë vjedhur 5.7 mln euro, ku gjatë ikjes ka mbetur i vdekur edhe Admir Murataj, i dyshuar si truri i grabitjes.
