Shëlzen Kastrati i vra me plumb në ballë nga dikush që përdorte automatik me sileciator. Këto janë detajet e reja nga vrasja e 41-vjeçarit, ditën e sotme në qytetin e Fierit.
Atentatori ishte në makinë në momentin që ka qëlluar, ndërsa viktima ka marrë dy plumba, një në ballë dhe një në krahun e djathtë, të cilët i kanë shkaktuar vdekjen e menjëhershme.
Përdorimi i një armë automatike, me silenciator ngre dyshimet se kemi të bëjmë me vrasës profesionist.
Pas ngjarjes, autori është larguar me një makinë tip “Range Rover”, me targa greke, e cila u gjet më pas e djegur në fshatin Daullas të Fierit.
Autori është treguar shumë i kujdesshëm duke mos lënë asnjë gjurmë në vendin e krimit, Policia po punon me kamerat e sigurisë në zonë për të bërë të mundur identifikimin e autorit.
Kush është viktima?
Shkëlzen Kastrati është vëllai i Kelmend Kastratit. 35-vjeçarit iu bë një atentat në janar të vitit 2016. Në atë kohë, policia raportoi se atentati ishte kryer për shkak se Kelmend Kastrati dyshohej të ishte përfshirë në një vrasje dhe një plagosje të ndodhura disa vite më parë.
Familja Kastrati ka probleme me një tjetër familje në Fier dhe policia dyshon se për shkak të këtyre problemeve kanë ndodhur disa ngjarje të rënda në Fier. Atentati ndaj Kelmend Kastratit në janar 2016 dysohet se u krye nga njëri prej anëtarëve të familjes në fjalë.
Nga atentati atëherë mbeti i vrarë Denis Kasaj që drejtonte makinën dhe u plagosën Kelmend Kastrati dhe Elton Margariti.
Njoftimi i policisë Fier:
Informacion paraprak
Sot rreth orës 10:30, në vendin e quajtur “Ura e Sheqit”, një shtetas i paidentifikuar, ka vrarë me armë zjarri shtetasin Sh. K., i cili ka qenë në automjetin tip “Benz”.
Autori është larguar nga vendngjarja me një automjet tip “Range Rover”, i cili u gjet nga shërbimet i djegur te vendi i quajtur “Mbikalimi i Baltzës”.
Nga ana e Policisë janë ngritur pika kontrolli dhe vijon krehja e zonës për të bërë të mundur kapjen e autorit.
