Zbardhen detaje të reja nga mbledhja e Këshillit Politik për Reformën Zgjedhore ku ishte i pranishëm ishte edhe kryeministri Edi Rama.
Rama gjatë mbledhjes e cila është shoqëruar me debate mes palëve politike ka thënë se i qëndron marrëveshjes së 5 qershorit,duke theksuar se është kërkuar hapja e listave për të arritur dakordësinë e opozitës parlamentare.
Lidhur me koalicionet parazgjedhore, Rama është shprehur se ato duhen standartizuar si në vendet e tjera europiane, duke theksuar se kjo nuk ndalon partitë politike të bëjnë aleanca.
“Ne nuk ndryshojmë as sistem, as zona zgjedhore. E vetmja gjë është që po hapim listat. Edhe për hapjen e listave, hajdeni ulemi nëse keni ndonjë mendim se si të garantojmë kuotën gjinore sa më mirë. Por në një koalicion siç i bën gjithë Europa dhe jo si modeli ynë i deritanishëm që se ka askush Nuk ndalojmë koalicionet, por formë grupimi që të mundësojë hapjen e listave dhe të mos ndërlikojë administrimin. Korrektimi në kod i përket vetëm pjesës së hapjes së listave dhe nuk cënon përmbajtjen e dokumentit. Ne i qëndrojmë marrëveshjes. Marrëveshja duhet miratuar, për tu miratuar duhen votat në kuvend që ne si mazhorance nuk i kemi. Në bisedimet me opozitën parlamentare kemi dakordësuar për hapjen e listave. Ajo çka kërkojmë është hajdeni ulemi dhe me sa me shumë dakordësi të reflektojmë në kod këtë sanksionim të hapjes së listave që vjen nga ndryshimi kushtetues. Pra nuk u ndalon njeri të bëni aleancat tuaja’ mësohet të ketë thënë Rama.
Ndërsa pak më parë sekretari i Përgjithshëm i PD Gazment Bardhi deklaroi se në mbledhje se PS ka qëllim të rihapë edhe njëherë diskutimin për marrëveshjen e 5 qershorit, edhe pse kjo e fundit është miratuar me konsesusin e të gjitha palëve.
