Kryeministri Edi Rama u vu në vështirësi nga një qytetar që i vuri në dukje korrupsionin në sistemin e drejtësisë. Kjo situatë e sikletshme për kryeministrin ndodhi paraditen e sotme dukie i’u përgjigjur pyetje-përgjigjeve të publikut.
Bëhet fjalë për gjyqtaren Vjola Canaj në Vlorë të përmendur nga komentuesi. Rama në përgjigjen e dhënë tha se nuk ishte në dijeni të këtij rasti dhe nuk e njihte gjyqtaren.
‘Unë nuk e di kush është Vjola Canaj në Vlorë, i kërkoj ndjesë që i përmend emrin, por e shkruan Stiven Jonaj dhe thotë: Më shpjegon dot se çfarë bën në punë gjyqtarja Vjola Canaj më e korruptuar, ajo po liron kriminelët, merruni me këtë çështje. Nuk e di kush është Vjola Canaj, nuk e di sa e korruptuar që është. Por tani që ne po flasim në një gjykatë të vendit po bëhet një krim nga një gjykatës. Sot, tani në këtë moment, ju siguroj që në një gjykatë të vendit po kryhet një krim, mund të jenë 2-3-5, por cdo ditë bëhen krime. Mendojnë se do ti shpëtojnë drejtësisë, sepse ose nuk futen në vetting, ose do digjen nga vetingu, ose do kapin c’të kapin. Pra sistemi nuk është ende i pastruar dhe institucionet e reja, SPAK, këshillat e prokurorisë kanë filluar të strukturojnë punën e tyre. Po këtu një ndërtim pa leje bën dhe të duhen vite dhe jo të ngresh një shtet me lifhe me struktura, aty ku ke gjetur një situatë pas tërmetit. Dhe drejtësia e re do të fillojë të funksionojë, do të jetë e prekshme, e pas pastrimit do të fillojë goditja e gjykatësve të korruptuar. “, tha Rama.
Ajo që vlen të përmendet për këtë rast është fakti se kryeministri i vendit, që ka tetë vite në pushtet e aspiron për një të tretë, e pranoi se sistemi i drejtësisë ende nuk është pastruar dhe korrupsioni ekziston ende.
Pra vetingu që ishte dhe një ndër arritjet më të mëdhaja të qeverisë Rama, ka dështuar. Ose nuk i ka mjaftuar 2 mandate për ta rregulluar këtë problem.
Kujtojmë se spastrimi i gjykatave dhe Prokurorive ishte një ndër kushtet që BE i vuri vendit për anëtarësimin në BE, premtim ky nga Rama që në fillim të mandatit të parë.
