Për herë të parë në histori, derbi i kryeqytetit mes Partizanit dhe Tiranës do të zhvillohet në stadiumin e ri të kuqezinjve, “Arena e Demave”.
Klubi organizator, Partizani, ka zyrtarizuar axhendën e takimit, i cili do të luhet të dielën, më 9 shkurt, në orën 13:30.
Ky ndryshim vjen pasi stadiumi “Air Albania” po përgatitet për ndeshjet e Kombëtares në kualifikueset e Botërorit. Me një kapacitet prej mbi 4 mijë vendesh, “Arena e Demave” do t’i ofrojë 5% të biletave tifozëve të Tiranës.
Pas disa ditësh pritjeje, Policia e Shtetit ka dhënë miratimin për zhvillimin e kësaj sfide historike në impiantin e ri të Partizanit.
