Mbrëmja e sotme do të jetë e veçantë për dashamirësit e futbollit italian, pasi derbi i shumë pritur Inter-Milan është sot në orën 18:00 në stadiumin “San Siro”.
Si çdo derbi tjetër edhe ky pritet të jetë luftarak midis dy ekipeve edhe pse pa mbështetjen e tifozëve në stadium. Por përveç kësaj kjo ndeshje nuk do të jetë vetëm në fushë, por edhe në stol, ku do të maten dy stile dhe dy filozofi të ndryshme.
Inter-Milan do të jetë edhe Konte kundër Piolit, dy trajnerë të ndryshëm edhe nga pikëpamja e karakterit, që do të përballen për herë të dytë pas fitores 4-2 të zikaltërve 9 shkurtin e kaluar.
Atë mbrëmje rezultoi superior Konte falë një pjese të dytë befasuese, por Pioli megjithatë ndërtoi një Milan thuajse perfekt që dominoi në 45 minutat e para duke vendosur bazat për rilindjen e muajve të kaluar. Tani trajneri kuqezi kërkon hakmarrjen, ndërsa Konte synon të konsolidojë famën e tij prej “specialisti” në derbet italiane.
Përsa i përket formacioneve, nuk ka pasur surpriza, me Piolin që në minutat e fundit ka vendosur të startojë me Leaon në krahun e majtë të sulmit.
INTER (3-4-1-2): Handanovic; D’Ambrosio, De Vrij, Kolarov; Hakimi, Barella, Brozovic, Perisic; Vidal; Lukaku, Lautaro. ALL.: Conte.
A disp.: Padelli, Stankovic, Ranocchia, Darmian, Bonfanti, Moretti, Squizzato, Eriksen, Satriano, Sanchez, Pinamonti.
MILAN (4-2-3-1): G. Donnarumma; Calabria, Kjaer, Romagnoli, Theo Hernandez; Kessie, Bennacer; Salelmaekers, Calhanoglu, Leao; Ibrahimovic. ALL.: Pioli.
A disp.: Tatarusanu, A. Donnarumma, Dalot, Kalulu, Conti, Krunic, Tonali, Hauge, Maldini, Diaz, Castillejo, Colombo.
Arbitri: Mariani di Aprilia
