Durrësi ishte një nga qytetet që përjetoi momente tmerri gjatë tërmetit të 26 nëntorit.
Përtej dëmit ekonomik dhe humbjeve të jetëve, tërmeti ka lënë gjurmë të forta në memorien e njerëzve.
Deputetja e LSI për Durrësin, Edlira Hyseni nuk i ka mbajtur dot lotët nga foltorja e Kuvendit.
Ajo kërkoi që qeveria të përgjigjet me një plan konkret për Durrësin dhe të mos prekë asnjë lekë për rindërtimin e qytetit.
Më tej deputetja shtoi se prioritet është që njerëzit të kthehen në normalitet, por nuk duhen harruar fajtorët.
“Durrësi ka nevojë për një shtet, për një qeveri që do ti përgjigjet. Është kjo qeveri sot që duhet ti përgjigjet me një plan konkret, ti përgjigjet me zemër, Durrësi ka nevojë për dashuri, ka nevojë që ai komitet që ka marrë përsipër ta ndërtojë Durrësin dhe gjithë zonat e prekura ta bëjë më ndershmëri. Komiteti i rindërtimit që ka marrë përsipër rindërtimin e Durrësit ta bëjë me ndershmëri . Asnjë lek i destinuar për Durrësin të mos preket. Unë dua ta besojë që kjo qeveri do ta bëjë punën e vet ashtu siç nuk e ka bërë 30 vite. Ka nevojë dhe për drejtësi. Për të parë kush janë fajtorët por prioritet është që njerëzit të kthehen në normalitet”, tha Hyseni.
