Zgjedhjet e djeshme parlamentare në Malin e Zi nxorrën fituese partitë opozitare të cilat do të krijojnë qeverinë e re,
Ditën e sotme u zhvillua një takim mes liderëve të koalicionit, “Për Ardhmërinë e Malit të Zi”, “Paqja është kombi ynë” dhe “E zezë dhe e bardhë”, Zdravko Krivokapiç, Aleksa Beçiç dhe Dritan Abazoviç, i cili do të formojë Qeverinë e ardhshme të Malit të Zi.
Pas mbledhjes u vendos që kjo qeveri ngrihet mbi themelet e disa parimeve.
Parimi i parë që është rënë dakord është që qeveria e re demokratike do të zbatojë me përgjegjësi të gjitha detyrimet ndërkombëtare.
Parimi i dytë, qeveria e re demokratike do të zbatojë të gjitha reformat e nevojshme në mënyrë që Mali i Zi të bashkohet me Bashkimin Evropian sa më shpejt të jetë e mundur.
Parimi i tretë, qeveria e re, demokratike do të jetë nga ekspert, te përbërë nga personel që janë ekspertë në fusha specifike, pavarësisht nga karakteristikat e tyre politike, fetare, kombëtare ose ndonjë karakteristikë tjetër.
Dhe parimi i katërt, qeveria e re do të angazhohet plotësisht në respektimin e Kushtetutës dhe zbatimin e ligjit, me ndryshime në të gjitha ligjet dhe aktet nënligjore diskriminuese, përfshirë Ligjin për Lirinë e Fesë”, thuhet ne deklaratë.
Ata thanë se, përveç kësaj, u shtrijnë duart përfaqësuesve të popujve pakicë me dëshirën për të ndërtuar së bashku një të ardhme më të bukur dhe të prosperuar të Malit të Zi.
