Deputeti Ilir Beqaj kapet në një situatë komike gjatë punës në parlament. Instituti i Studimeve Politike e ka marrë si shembull të ekzagjerimit takimeve të deputetëve online përgjatë pandemisë.
Është më pikanti, rasti i deputetit Ilir Beqaj, i cili në fillim të takimit është parë në ambientet e zyrës së tij, teksa më vonë ka dalë për t’u drejtuar drejt makinës.
“Në një mbledhje të rëndësishme të muajit tetor 2020 të Komisionit parlamentar mbi veprimtarinë prodhuese deputeti Ilir Beqaj merr pjesë aktive në debat duke qenë në zyrë (minuta e 12.49) dhe më pas del nga zyra, hip në makinë dhe vijon të marrë pjesë aktive në debat ndërsa udhëton në makinë (minuta 58.28) e videos së komisionit.
Edhe në rastin konkret deputeti vijon nga makina të komentojë nene dhe të japë sugjerime, duke supozuar se e ka ligjin në dorë dhe po punon me të, ndërsa kolegët në komision dhe ekspertët e thirrur i komentojnë sugjerimet e tij! Sesi mund të ndiqet një debat parlamentar duke dalë nga zyra drejt makinës dhe duke udhëtuar me makinë, sesi mund të diskutohet mbi nene e vendime që prekin interesa të mëdha qytetare, sesi mund të ushtrohet pushteti legjislativ në forma të tilla, vetëm modele parlamentare si këto mund të na thonë”, thekson ISP. Sipas studimit, praktika të tilla duhet të marrin fund.
/GazetaReforma.com/
