Gazeta gjermane “Bild” ka publikuar videopërgjimin e dytë ditën e sotme ku dëgjohet sesi drejtori i Ministrisë së Brendshme krijon plane sesi të fitonte zgjedhjet për socialistët.
Në përgjimin e parë të publikuar pak minuta më parë dëgjohej kryeministri Edi Rama teksa bisedonte me Artan Keshin, e në përgjimin e dytë dëgjohet ky i fundit duke biseduar me Artan Gaçin.
“Dëgjohet se si Ministria e Brendshme po krijon një plan për të fituar zgjedhjet për socialistët. Me para, presion dhe kriminelë sigurohet se rezultati është i saktë. Gjithashtu kërcënohen drejtorët dhe mësuesit e shkollave”, shkruan Peter Tiede.
Përgjimi nr.2. Artan Gaçi dhe Arben Keshi
Arben Keshi: Mirëmëngjesi.
Artan Gaçi: Mirëmëngjesi, si kalove?
Arben Keshi: Si kalove ti?
Artan Gaçi: Mirë ja ishim në Ndroq me shefin e madh. Edhe me superlativa foli për ty.
Arben Keshi: Faleminderit.
Artan Gaçi: Nga ai, nga ai. Nga unë po e po.
Arben Keshi: Qesh
Artan Gaçi: Ai më tregoi dhe historinë e 2011-ës. E të gjitha. I ke pikët maksimale.
Arben Keshi: Ishallah kthehen në realitet mos të ngelen.
