Në Parlamentin e Shqipërisë disa deputetë nuk kanë lënë shenjë për propozimet e ligjeve, por për fjalimet “brilante”.
Një ndër to është edhe deputeti i Partisë Demokratike, njëkohësisht kreu i Partisë Emigracioni Shqiptar, Kostaq Papa.
Ai është përpjekur të japë një mesazh sensibilizues për dhunën ndaj grave, por ka habitur të gjithë me fjalët e përzgjedhura.
Papa u shpreh se meshkujt duhet t’i kërkojnë ndjesë “fëmrave” edhe kur kanë të drejtë.
Më tej ai shtoi se në rininë e tij, femrat që i kanë qëndruar pranë, kanë pirë më shumë uiski sesa ujë.
“Të gjithë duhet të jemi pak xhentelmenë meqë kanë ndodhur disa gjëra në lidhje më fëmrat periudhën e kaluar. Fëmrave duhet t’u kërkojmë ndjesë dhe kur kemi të drejtë. Respekti im është, unë di të kërkoj ndjesë për këdo dhe aq më tepër për fëmrat sepse në rininë time, të gjitha fëmrat që më janë afruar mua kur kisha dhe kaçurelat por kur kisha dhe paratë, kanë pirë më shumë uiski ose pije të mira se sa ujë. Faleminderit”, thotë ai në foltoren e Kuvendit.
