Deputetët e Komisionit të Shëndetësisë kanë vendosur të kallëzojnë penalisht ish-kryeministrin Sali Berisha.
Ata e akuzojnë Berishën se ka shpërndarë lajme apo imazhe të rreme, të cilat nxisin gjendjen e pasigurisë te njerëzit.
Nëpërmjet njoftimit ata i kanë bërë thirrje edhe deputetëve të PD, që të ndalojnë daljen në bashkitë e vendit të përfaqësuesve të saj, të cilët janë instruktuar për të përhapur panik.
Kallëzimi i plotë do të depozitohet ditën e nesërme në Prokurorinë e Tiranës.
Deputetët e Komisionit të Shëndetësisë, kanë vlerësuar gjithashtu punën e bluzave të bardha.
Njoftimi i plotë
Deputete te Komisionit te Shendetesise ne Kuvendin e Shqiperise po ndjekin dhe vleresojne masat e marra per perballimin e situatës se emergjencës të krijuar në Shqipëri si pasojë e përhapjes në shumë vende të botës së virusit COVID-19 dhe nevojën për solidaritet me bluzat e bardha të cilet kane pergjegjesine kryesore.
Ne konstatojne me shqetesim disa veprime keqdashese te disa personave politikë që synojnë të perhapin panik, mosbesim tek stafet mjekesore dhe demoralizim.
Per kete qellim bazuar ne Nenin 267 te Kodit Penal ne Republiken e Shqiperise kemi vendosur te kallzojme penalisht shtetasin Sali Ram Berisha ish-deputet, për përhapjen e informatave apo njoftimeve të rreme, me imazhe të montuara apo komente me shkrim (përmes faqes së tij facebook), të cilat targetojnë opinionin publik duke nxitur me vetëdije një gjendje pasigurie dhe paniku tek njerëzit.
Gjithashtu i bëjme thirrje Partisë Demokratike të ndalojë menjëherë daljen në Tiranë dhe në bashki të tjera të vendit të përfaqësuesve të saj, të instruktuar për të përhapur panik.
Kallzimi i plotë penal do të depozitohet nesër në mëngjes në Prokurorinë e Tiranës
