Pas mbledhjes së grupit parlamentar të Partisë Demokratike, Gazment Bardhi, mbajti një konferencë për media. Ai tha se kryeministri Edi Rama dhe kryetari i Bashkisë së Tiranës, Erion Veliaj, po sulmojnë institucionet e drejtësisë.
Bardhi shprehu shqetësimin e tij për mënyrën se si mazhoranca po sulmon institucionet e drejtësisë. Ai tha se nervozizmi i kryeministrit lidhur me problemet me drejtësinë dhe korrupsionin e ka kthyer atë nga një person që pretendonte të mbështeste drejtësinë në një kritikues të madh të këtyre institucioneve.
Ai gjithashtu foli për një rast konkret ku kryeministri dha mesazhe të koduara në lidhje me hetimet e prokurorisë për lidhjet e Olsi Ramës me një laboratorin e Xibrakës. Bardhi shprehu shqetësimin se këto lloj presionesh nuk duhet të ndikojnë në drejtësi, e cila duhet të mbetet e pavarur dhe të provojë se nuk përjashtohet nga ndikimet politike.
Po ashtu, ai foli për një sulm të koordinuar mes kryetarit të Bashkisë së Tiranës dhe kryeministrit ndaj prokurorisë për korrupsionin në bashkinë e Tiranës.
Bardhi theksoi se kjo situatë ka arritur një kulm, duke përmendur një incident në një konferencë politike ku anëtarë të opozitës u sulmuan hapur nga përfaqësues të qeverisë. Kjo situatë, sipas tij, rrezikon të dëmtojë sistemin demokratik.
Kujtojmë se Bardhi si kreu i grupit parlamentar të PD, u ul dhe bëri një marrëveshje me qeverinë për komisionet hetimore të cilat nuk po funksionojnë si dhe në marrëveshje i bashkuan interesat e përbashkët që e tregoi amnistia penale.
“Shpreh shqetësimin për sulmin e mazhorancës ndaj institucioneve të drejtësisë. Nervozizmi i shtuar i kryeministrit në raport me hallet që e kanë zënë me drejtësinë për shkak të keqqeverisjes dhe korrupsionit, e ka kthyer nga njeriu që gjoja mbështeste drejtësinë në anatemuesin më të madh të këtyre institucioneve.
Që nga dita kur nxorëm faktet mbi të vëllanë, ai i dha mesazh SPAK ccduhet të bënte në lidhje me hetimet për përfshirjen e Olsi Ramës me laboratorin e Xibrakës.
Intimidim që nuk duhet të merret në konsideratë nga drejtësia që ka detyrë t’i provojë opinionit publik se nuk intimidohet edhe kur preken njerëz të afërt me Ramën.
Pamë sulm të koordinuar mes Veliaj dhe Ramës ndaj SPAK në lidhje me korrupsionin në bashkinë Tiranë.
Kulmi arriti dje ku në Konferencën e Kryetarëve, për llogari të Ramës, njeriut që ka firmosur investimin strategjik për Xhacckën, sulmuan hapur anëtarët e GJK, duke shpallu madje atë që nuk është dëgjuar në 33 vite, se GJK nuk i imponohet dot Kuvendit.
Duke zhbërë kështu sistemin demokratik.”, tha ai.
Lexo më shumë:
‘Olsi Rama i lidhur me grupn e Xibrakës’, Gazment Bardhi publikon provat
Akuzat për laboratorin e kokainës në Xibrakë, Olsi Rama i përgjigjet Gazment Bardhit
Dosja Xibraka/ Gazment Bardhi i bën kërkesë SPAK të nisë hetimet për Olsi Ramën
