Ish-drejtori i AKBN-së, Klodian Gradeci, është shpallur në kërkim nga Policia pasi Prokuroria e Tiranës një ditë më parë ka urdhëruar arrestimin e tij, bashkë me disa zyrtarë të tjerë të këtij dikasteri shtetëror.
Në kërkim përveç ish-drejtorit të AKBN-së, ka nisur hetimi i Prokurorisë edhe biznesmeni Isuf Berberi i cili dyshohet se për të përfituar ka ngritur një kompani fantazmë.
Në raportin e Prokurorisë thuhet se këta shtetas në bashkëpunim me njëri-tjetrin i kanë shkaktuar shtetit dëm në vlerën e 1 milion dollarëve.
Një ditë më parë është me urdhër të Prokurorisë së Tiranës janë arrestuar:
-Denis Durrsi, ka patur rolin e Drejtorit të Auditit.
-Qani Hoxhaj, Drejtor Hidrokarburesh
-Arben Doda, inspektor tatimesh në Drejtorinë Rajonale Tiranë
-Naim Kasa, biznesmen në një kompani fantazmë.
-Rezarta Sulejmani, specialiste te AKBN (Në arrest shtëpie)
-Simon Marku
Urdhër-arrestet janë firmosur pasi këta zyrtarë akuzohen për veprën penale “Shpërdorim detyre”, “Mashtrim me pasoja të rënda”, “Kontrabandë mallrash pa akcizë” dhe “Fshehje të ardhurash”.
Bëhet me dije se hetimet për këtë rast kanë nisur mbi 4 vjet më parë. Prokuroria e Tiranës ka dyshime të arsyeshme se operacioni është dekonspiruar, pasi ish-drejtori i AKBN-së, Klodian Gradeci, vetëm një ditë para se të ekzekutoheshin urdhër-arrestet, është larguar në drejtim të Turqisë.
Klodian Gradeci njihet si mik i Damian Gjiknurit brenda Partisë Socialiste, dhe e gjithë arratisja e tij një ditë para arrestimeve, mund të ketë lidhje me ndihmesën nga Policia dhe miqtë me pushtet, për t’iu shmangur arrestimit.
Ndërkohë, biznesmeni Isuf Berberi njihet si mik dhe njeri i afërt me Ilir Metën, dhe përveç konstatimeve në shkelje, sulmi mund të ketë edhe prapavijë politike.
