Pas tensionit dhe largimit me forcë të pedagogut Jani Marka, i cili është pedagog në Fakultetin e Shkencave të Natyrës, si profesor i biologjisë, Këshilli Studentor ka reaguar me anë të një deklarate.
Në deklaratë thuhet se ata e dënojnë dhunën por pedagogun e kanë larguar pasi ai është anëtar i një organizate me orientim politik.
Këshilli Studentor shprehet se distancohet nga dhuna dhe që është kundër përfshirjes politike në protestë.
Kërkesat e studentëve janë të qarta. E vetmja gjë që duan është plotësimi i kushteve të tyre pa asnjë ndikim politik.
“Këshilli Studentor distancohet nga dhuna dhe sqaron: Jani Marka , i cili është pedagog por është edhe anëtar i Organizatës Politike, organizatë me orientim politik neo komunist, u largua nga studentët për arsye se ka disa ditë që tentojnë të politizojnë protestën. Ne jemi kundër përfshirjes së partive politike në këtë protestë. Ne duam plotësimin e kushteve tona dhe sduam asnjë ndikim. Kërkesat e studentëve janë të qarta. E përsërisim edhe njëherë që ne distancohemi nga cdo përdorim i dhunës dhe thirrjeve për dhunë. Faleminderit”, thuhet në deklaratë.
