Ish-kryeministri Sali Brisha i është përgjigjur ambasadores së Shteteve të Bashkuara të Amerikës, Yuri Kim e cila sot deklaroi se nuk mund të ulet as në kafe me njerëz të shpallur non-grata e jo më të punojë me ta. Gjatë konferencës për media të mbajtur sot, Berisha tha se kushdo që ka prova, përfshirë dhe ambasadorja kim, mund të drejtohet në Gjykatë te Parisit, ku ai po përballet me Sekretarin Amerikan të Shtetit, Antony Blinken.
Pyetje nga konferenca
Yuri Kim është shprehur prerazi që nuk do të bashkëpunojë me askënd që është shpallur ‘non grata’ nga DASH dhe se njeh si kryetar Bashën. A nuk po i kundërviheni me këto deklarata SHBA-ve?
Berisha: Më duhet të them se “Foltorja” ka zgjuar shpresa të mëdha në mbarë botën. Unë dua t’ju informoj se kjo pritja që shihni në Shqipëri për foltoren nuk është më pak entuziaste në vendet mike. Nuk është më i vogël entuziazmi në vendet mike. Nuk janë më të pakta përgëzimet që marr për këtë nismë të pluralizmit nga përfaqësues zyrtarë të vendeve mike në Evropë, por për hir të së vërtetës nga zyrtarë të lartë të SHBA-ve në krahun republikan.
Pra, për të mbyllur këtë problem, zonjës ambasadore dhe cilitdo tjetër që kanë një provë apo fakt të vetëm, e ftoj t’i dërgojë pranë gjykatës në Paris. Shpreh kënaqësinë e madhe, se miq dhe përfaqësues të vendeve mike, se personalitete të shquara të elitës politike amerikane, nuk pajtohen, nuk pranojnë, nuk binden, e madje e marrin thjeshtë si një hakmarrje politike se kemi prova, por nuk i themi. Kjo ka marrë fund, ke prova çoi para gjykatës. Miq të shtuar nga të dy anët e Analitikut që më kanë thënë se kanë parë dosjet e kanë gjetur atë si në materie. Shqipërinë do e afroj akoma më shumë me BE dhe SHBA-të, ky është zotimi im.
