Pak më parë kryeministri i vendit Edi Rama, mbajti një fjalim përmbyllës të mandatit të dytë qeverisës, në lidhje me deklaratat e tij ka reaguar edhe kreu i Partisë Demokratike, Lulzim Basha.
Me anë të një postimi në “Twitter”, Basha ka shkruar se kryeministri Rama është një e keqe e vjetër, i cili sipas tij e ka bërë Shqipërinë të pajetueshme për fëmijët tanë.
Kreu i PD-së është shprehur se bilanci real i kësaj qeverie është korrupsion, krim, varfëri dhe largimi i shqiptarëve nga vendi. Ndër të tjera ai ka theksuar se Partia Demokratike është e vendosur që të sjelli një zgjidhje që masakra zgjedhore e 25 prillit, sipas tij ja mohoi qytetarëve.
Reagimi i Bashës:
Asgjë e re nga përsëritja e mashtrimeve të vjetra. Plehrat digjen në kriza mjedisore të stisura për të çuar taksat e qytetarëve te mafia e inceneratorëve, krimi gëlon prej ortakërisë me pushtetin, korrupsioni që ka kapur shtetin është i përhapur në cdo qelizë të qeverisë, varfëron dhe largon shqiptarët, të braktisur edhe në kohë pandemie me numrin më të lartë të vdekjeve në raport me popullsinë në Europë dhe paketat më të vogla ekonomike në kontinent, integrimi në të cilin mbahet peng nga dështimet e njëpasnjëshme. Ky është bilanci real i një regjimi që masakron zgjedhjet vetëm për të vjedhur familjet shqiptare. Autorët e tij duhet të ishin përpara drejtësisë për atë që u kanë bërë Shqipërisë dhe shqiptarëve në këto 8 vite, jo duke përrallosur për arritje imagjinare. Partia Demokratike është e angazhuar për të sjellë ato zgjidhje që masakra e 25 prillit u mohoi qytetarëve, sepse asgjë e mirë nuk mund të vijë nga një e keqe e vjetër që e ka bërë Shqipërinë të pajetueshme për fëmijët tanë.
1/4 Asgjë e re nga përsëritja e mashtrimeve të vjetra. Plehrat digjen në kriza mjedisore të stisura për të çuar taksat e qytetarëve te mafia e inceneratorëve, krimi gëlon prej ortakërisë me pushtetin, korrupsioni që ka kapur shtetin është i përhapur në cdo qelizë të qeverisë…
— Lulzim Basha (@lulzimbasha_al) August 25, 2021
