Kreu i PDK-së, Nard Ndoka së fundmi ka komentuar zhvillimet politike në vendin tonë dhe është ndalur kryesisht te zhvillimet e fundit në Partinë Demokratike.
Ndoka ka thënë se përplasjet brenda PD-së janë artificiale dhe vazhdon më tej duke thënë se brenda PD-së tani është ndezur shpresa për të. Ai thotë se këtë ndryshim mund ta bënte vetëm Berisha dhe se këtë gjë ia kanë kërkuar edhe më parë. Gjithashtu Ndoka thotë se Berisha ka qenë kundër djegies së mandateve.
“Përplasja brenda PD është artificiale. PD po tundet dhe do të ketë një zgjidhje dhe kjo na jep një zgjidhje, se gjërat do të lëvizin në mënyrën e duhur. Shpresat me Bashën kishin humbur. Berisha ka qenë i distancuar nga zhvillimet dhe Berisha nuk ka marrë vendimmarrje në Partinë Demokratike.
Sot ka shpresë në PD, unë shoh tek baza edhe qytetarët e thjeshtë, që PD po tundet dhe duhet të ketë një zgjidhje. Kjo na jep edhe ne njëlloj zgjidhjeje. Këtë mund ta bënte Berisha, ia kemi kërkuar përpara. Berisha ka qenë kundër djegies së mandateve”, tha Ndoka.
Po ashtu Ndoka ka shtuar se Basha bën gafa të rënda dhe sipas tij kreu i PD-së nuk u rrit kurrë si lider.
“Unë shoh Lulin të çekuilibruar, bën gafa të rënda. Basha me zgjedhjet që janë mbajtur ka humbur autoritetin. Basha mori një vendim personal për Berishën, nuk pyeti bazën dhe baza tani është bërë kundër tij. Basha është një politikan që është shantazhuar dhe me goditjen e parë është ulur barkas. Basha nuk u rrit kurrë si lider”, u shpreh Ndoka
