Kryeministri i vendit Edi Rama ika bërë sërish ftesë kreut të Partisë Demokratike, Lulzim Basha pas deklaratave të tij për zgjedhjet e 25 prillit, të cilat i ka konsideruar një masakër elektorale.
Nëpërmjet një mesazhi në “Twitter”, Rama ka theksuar se mandati i tretë nuk do iu ngjajë dy të parëve në raport me humbësit, duke shtuar se “Dora jonë për ta do jetë e shtrirë. “Gjithashtu kryeministri ka theksuar se ftesa për ta është ende e hapur . Ndër të tjera Rama ka thënë se do të merren me ngjitjen e Shqipërisë në majë dhe jo se kush merret me ta dhe se të gjithë energjinë do t’i harxhoj për triumfin e këtij vendi.
“Humbësit fokusohen tek fituesit. Fituesit fokusohen tek fitorja! Mandati ynë i Tretë nuk do t’i ngjajë dy të parëve në raport me humbësit. Ata le të merren me ne, ne do të merremi me ngjitjen e Shqipërisë në majë. Dora jonë për ta do jetë e shtrirë. Ftesa jonë për ta është e hapur! Shqipëria meriton shumëfishimin e përpjekjeve tona dhe të gjitha energjitë ne do t’i harxhojmë vetëm për triumfin e këtij vendi, që e duam kampion të Ballkanit në turizëm, energji, bujqësi, inovacion e shërbime digjitale për qytetarët! Lufta e vjetër politike s’është më puna jonë!”, shkruan Rama.
