Ministri i Jashtëm serb, Ivica Daçiç, ka paralajmëruar arrestimin e presidentit të Kosovës, Hashim Thaçit.
Me anë të një deklarate të fortë në një televizion serb, Daçiç ka treguar se Thaçi e din se çfarë do të ndodhte me të, duke aluduar kështu për ngritjen e aktakuzës nga Gjykata Speciale ndaj tij.
Mnistri i Jashtëm serb theksoi se 99% pritet që të ndodhë arrestimi i Thaçit nga Gjykata Speciale.
“Nuk e di nëse Thaçi do të dënohet apo jo. Por probabiliteti për tu arrestuar është 99 përqind. Ne duhet të mësojmë nga hebrenjtë … Të njohim çdo sakrificë, histori, të kujtojmë, thjesht të jemi dhimbja jonë kombëtare që duhet ta kalojmë nga brezi në brez. Ne si serbë duhet të falim, por ka disa raste që nuk mund t’i falim dhe ne nuk duhet të kërkojmë falje vazhdimisht”, ka thënë Daçiç.
