Ambasadorja e SHBA në Shqipëri, Yuri Kim, ka reaguar pas deklaratës së kreut të Grupit Parlamentar të PS-së, Taulant Ballës, i cili kërkoi dhe bëri thirrje që të ndëshkohen ligjërisht të gjithë gjykatësit dhe prokurorët që janë shkarkuar nga Vettingu.
Nëpërmjet një postimi në rrjetin social tëitter, ambasadorja Yuri Kim ka ripostuar deklaratën e Ballës me mbishkrimin “Me biem dakord me këtë deklaratë”.
Pra qartazi Ambasada Amerikane në Tiranë, mbështet plotësisht ndëshkimin ligjor të gjykatësve dhe prokurorëve që janë eliminuar nga sistemi i drejtësisë nga Vettingu, për shkak të parregullsive të ndryshme në deklarimin e pasurisë apo në aspektin profesional.
Mesa duket këta prokurorë dhe gjykatës nuk do tja hedhin paq vetëm me daljen nga sistemi i drejtësisë, por do të japin llogari përpara autoriteteve përkatëse për çdo shkelje gjatë të gjithë karrierës së tyre.
Kujtojmë se hetimi për korrupsionin në sistemin gjyqësor është një nga kushtet e përcaktuar nga BE në lidhje me hapjen e kapitujve negociues për anëtarësimin e Shqipërisë në unionin evropian.
Kreu i Grupit Parlamentar Socialist, Taulant Balla, në deklaratën e tij, kërkoi hetim për prokurorët dhe gjyqtarët, duke qenë se shkarkimi tregon se ata janë shkelës të ligjit.
Deri më tani, në procesin e Vettingut, përveç përjashtimit të gjyqtarëve dhe prokurorëve me shkelje nga sistemi i drejtësisë, asnjë ish-pjesëtar i përjashtuar, nuk është ndjekur penalisht apo të jetë dënuar.
Deklarata e Taulant Ballës:
“Në reformën në drejtësi, ne sigurojmë 53 milion dollarë të tjerë për 668 staf shtesë. Dhe përfitoj nga rasti të vazhdoj të shpreh mbështetjen time të plotë për procesin historik të spastrimit të gjyqësorit nga ata gjyqtarë dhe prokurorë të korruptuar duke inkurajuar vetingun e mëtejshëm dhe goditjen e çdo gjykatësi apo prokurori që vazhdon të bëjë pazar me drejtësinë siç është rasti kohët e fundit.
Zbuluar nga media në vend, ku gjyqtarët dhe prokurorët në vetëdije të plotë për dështimin e vetingut vazhdojnë të tregtojnë me drejtësinë. Këto janë veprime serioze që nuk do të qëndrojnë pa u ndëshkuar”, ka shkruar Balla.
