Zgjedhjet për kryetarin e Partisë Socialiste në Peqin, kanë degjeneruar në dhunë.
Mësohet se kreu i njësisë administrative Gjoçaj,
Bilal Hasa, është konfliktuar me disa persona pranë selisë së PS në këtë qytet.
Ai gjithashtu është qëlluar me sende të forta dhe më pas është dërguar në spital.
Shkaqet e konfliktit janë ende të paqarta.
Pas procesit të votimit, kryetar i ri është zgjedhur Madrid Sula.
Zgjedhja e tij ka hasur në kundërshtimin e Hasës, shkak për të cilin mendohet se ka nisur edhe konflikti.
