Këtë fundjavë në emisionin e së shtunës “Shiko kush luan” mes të ftuarve ishte dhe reperi Gold AG i cili i habiti të gjithë me deklaratën që bëri për këngëtaren Tuna.
I pyetur se pse ishte në ‘sherr’ me Tunën, Gold AG th se ajo është “degjenerim të femrës shqiptare”, pasi ka kënduar në serbisht dhe po ashtu ka bërë këngë për zogun, sikundër u shpreh ai.
“Arsyeja e këtij sherri nuk është sherr, por është një realitet që nuk kam qejf që një femër si ajo me prezantu degjenerim te femrat shqiptare, te motrat tona. Unë nuk jam ai që duhet të drejtoj femrat se çka me qit e çka mos me qit, por për derisa ajo ka këndu serbisht e vjen në Kosovë e qet zogun, te une jo”, ishte përgjigjia e reperit të njohur.
Por pasi kanë kaluar dy ditë dhe reperi ka marrë shumë komente në lidhje me këtë deklaratë duket se ky i fundit është penduar për atë që ka thënë , ose ashtu na la të kuptojmë me reagimin e tij të fundit në rrjetet sociale.
Reperi ka shpërndarë një video shkëputur nga emisioni,teksa shprehet se nuk e ka fyer dhe nuk do e fyejë pasi është një nënë, teksa shton se thjesht nuk e ka pëlqyer muzikën e saj.
“Vëllëzër e motra, i pashë disa komente që përse e ke fyer Tunën në intervistë te Luana Vjollca. Në asnjë gjysmë fjale se kam fy e as nuk do ta fyej asnjëherë më tani se ajo është një nënë. Kur më pyetën për arsyen, thjesht tregova që nuk kam dëshirë që asi lloj prezantimi i këngëve të prezantohet para motrave e nënave tona. Kjo përgjigje është për ju që thatë që ofendova por më së shumti për Tunën le ta dijë që kurrë në jetë nuk e ofendoj se ajo që ishte ka kaluar, e alkool nuk pi as po t’ma dhuronin gjithë botën lëre më për lojë”, theksoi Gold AG.
Ndërkohë ende nuk ka një reagim të Tunës për këtë rizgjim ‘konflikit’.
