Ambasada Amerikane ka publikuar disa pamje nga stërvitja “Defender Europe 21”. Në një postim në Twitter Ambasada ka ndarë videon nga dita e nisjes së stërvitjes dje në Postin e Durrësit. Krahas videos shkruhet se ky ushtrim tregon që Forcat e SHBA dhe NATO-s janë të stërvitura për të punuar së bashku në rast sulmesh.
“Shikoni disa pamje më shumë nga #DefenderEurope 21 dje në Ditën e Vizitorëve të Shquar në Portin e Durrësit. Shihni transportimin e automjeteve në det si pjesë e Operacionit të Përbashkët Logjistik nga toka në breg, kryer për herë të parë në Europë që prej Luftës së Dytë Botërore. Ky ushtrim tregon që forcat e SHBA dhe NATO-s janë të stërvitura, të afta për të operuar së bashku dhe gati për t’u përgjigjur në rast sulmesh”, shkruhet në postim.
(1/2) Shikoni disa pamje më shumë nga #DefenderEurope 21 dje në Ditën e Vizitorëve të Shquar në Portin e Durrësit. Shihni transportimin e automjeteve në det si pjesë e Operacionit të Përbashkët Logjistik nga toka në breg, kryer për herë të parë në Europë… pic.twitter.com/NAj97HfYRG
— USEmbassyTirana (@USEmbassyTirana) May 5, 2021
Stërvitja “Defender 21” nisi ditën e djeshme në Durrës. Ambasadorja amerikane, Yuri Kim deklaroi se Shqipëria nuk është përzgjedhur rastësisht për këtë stërvitje. Ajo tha se roli i Shqipërisë në Aleancë po rritet dhe është më i rëndësishëm se kurrë. Kim tha se shqiptarët kanë ndihmuar në botë dhe e se trimëria e tyre njihet dhe se është nder që shqiptarët të cilësohen si aleatë. Veç të tjerash, Shqipëria cilësohet si një vend strategjik dhe ofron një bazë të rëndësishme për përgjigje në raste emergjencash
