Kukësi është zbardhur nga dëbora mbrëmjen e sotme. Reshjet e mëdha kanë ‘veshur’ të gjithë qytetin. Deri më tani, Policia raporton se trashësia e saj ka arritur në disa centimetra, ndërsa i kujton qytetarëve që të respektojnë rregullat e qarkullimit rrugor.
Policia e autostradës së ‘Rrugës së Kombi’ i bën thirrje drejtuesve të mjeteve të jenë të kujdesshëm, ndërkohë kontraktori i autostradës po punon për pastrimin e rrugës në të gjithë gjatësinë e saj të përfshirë nga reshjet e dëborës.
Dëbora e parë ka rënë edhe në Kosovë. Reshjet e para të borës kanë rënë në qytetet e Dragash, Prizren, Lipjan, Prishtinë, Malishevë, e në vende të tjera.
Reshjet e shumta të borës kanë shkaktuar madje edhe disi problem në qarkullimin e makinave, por autoritetet ende nuk kanë dalë me njoftim që akset nacionale të kenë ndonjë problem.
Ndërkohë, sa i përket reshjeve të borës, Instituti Hidrometeorologjik ka paralajmëruar për mbizotërim të tyre në zona malore përgjatë ditës së nesërme.
“Të dielën do të mbajë mot kryesisht i vranët dhe me reshje shiu dhe bore. Reshje bore pritet të bie kryesisht në zonat malore. Temperaturat minimale do të lëvizin ndërmjet 0 deri 1 gradë Celsius, ndërsa maksimalet e ditës parashihen të lëvizin ndërmjet 4-6 gradë Celsius”, u tha në njoftimin e tyre.
/Gazetareforma.com/
