Daut Laze vijon të jetë në kërkim nga policia pas arratisjes nga burgu i Shënkollit, ndërsa zbardhet vendimi i gjykatës për dënimin e tij.
Sipas Aktit të Ekspertimit Psikiatriko-Ligjor, ka rezultuar se Laze vuan nga një çrregullim psikopatik i pa specifikuar, tip paranoid, një sëmundje që ka filluar shumë kohë më parë. Ai ka një çrregullim kronik, që shfaqet në forma dhe ecuri të ndryshme dhe kërkon trajtim të vazhdueshëm dhe ndjekje të rregullt në Psikiatri.
Laze ka vepruar nën ndikimin e kësaj sëmundjeje para, gjatë dhe pas kryerjes së veprës penale. Ai ka qenë i udhëhequr nga deluzione paranoide, duke mos qenë në gjendje të kuptonte dhe kontrollonte veprimet e tij, pa e kuptuar se po kryente një vepër penale dhe pasojat që mund të lindin prej saj.
Sipas informacionit, personat që trajtohen për probleme psikiatrike janë të trajtuar sipas ligjit 44/12, dhe jo sipas ligjit që aplikohet për të paraburgosurit dhe të dënuarit. Kjo ka ndikuar në nivelet e sigurisë, të cilat kanë qenë më të ulëta, duke mundësuar arratisjen e tij.
