Presidenti Ilir Meta ka nënshkruar sot dekretin për zgjedhjet e reja lokale, që sipas tij do të jenë në 13 tetor.
Ai që ka reaguar pa mbaruar mirë konferëncën për shtyp ka qenë kryeministri Rama, por është pasuar nga reagimi i Elisa Spiropalit.
Zëdhënësja e Qeverisë Elisa Spiropali pas dekretimit nga presidenti Ilir Meta të 13 tetorit, ka reaguar nëpërmjet një postimi në Twitter.
Sipas Spiropalit nuk ka kush t’i organizojë zgjedhjet e 13 tetorit pasi institucionet zgjedhore e kanë thënë fjalën e fundit..
“Ta pyesë dikush Qametën kush do t’i organizojë zgjedhjet e 13 tetorit, se KQZ, KZAZ dhe vetë Kolegji Zgjedhor e kanë thënë fjalën e tyre? Se s’po pyesim si do ia bëjmë me BE dhe Amerikën, sepse Haxhiut të Dytë i mjafton Luli me Monikën!”, shkruan Spiropali.
Ta pyesë dikush Qametën kush do t’i organizojë zgjedhjet e 13 tetorit, se KQZ, KZAZ dhe vetë Kolegji Zgjedhor e kanë thënë fjalën e tyre? Se s’po pyesim si do ia bëjmë me BE dhe Amerikën, sepse Haxhiut të Dytë i mjafton Luli me Monikën!
— Elisa Spiropali (@elisaspiropali) June 27, 2019
