Këtë fundjavë, Kombëtarja Shqiptare e futbollit do të nisë grumbullimin për ndeshjen miqësore me Armeninë në 7 tetor.
Ndërkohë, do të ketë edhe dy ndeshje zyrtare, në Ligën e Kombeve. Përkatësisht, më 11 tetor me Kazakistanin, dhe tre ditë më pas në 14 tetor me Lituaninë.
Ajo që përbën lajm në këtë grumbullim, është mos grumbullimi i Odise Roshit në këto ndeshje, si edhe të ftuarve në fejesën e tij, Cikalleshit, Balës, Sadikut dhe kapitenit Elseid Hysaj. Këta lojtarë dolën nga grumbullimi teksa ishin me Kombëtaren në muajin shtator, dhe ishin pjesë e festës së Odise Roshit, duke thyer kështu rregullat dhe disiplinën.
Në ato ditë, prezenca e tyre u mohua, për shkak se për pak orë do të luhej ndeshja e radhës, por këtë herë trajneri Edi Reja i ka kujtuar thyerjen e disiplinës. Risi në këtë grumbullim do të jetë emri i Albi Dokës, ish-lojtarit të Tiranës, aktualisht në Kroaci tek Gorica, si dhe Jon Mersinajt, mbrojtësit të Lokomotivës së Zagrebit.
Sa i përket repartit të avancuar për këto ndeshje do të jenë Sherif Kallaku, Giacomo Vrioni, Armando Broja, Rei manaj dhe Endri Çekiçi.
/GazetaReforma.com/
