Danimarka pritet të dërgojë 300 të burgosur në Kosovë. Ndërkohë vetë Ministria e Drejtësisë e Danimarkës ka thënë se personat që do të dërgojë në një burg të Gjilanit, në përputhje me marrëveshjen me Kosovën për burgjet janë të dënuar me dëbim nga Danimarka.
Muajin e kaluar Kosova njoftoi se do të lëshojë me qira Danimarkës një burg me 300 qeli në qytetin jugor të vendit. Gjithashtu vlen të theksohet se shteti Danimarkës nuk do të sjellë të dënuar për terrorizëm, krime lufte apo të dënuar të diagnostikuar me çrregullime të rënda mendore. Ndërsa ata duhet që dënimet e tyre t’i kryejnë në kushte të njëjta sic do t’i kishin kryer në një burg danez, përfshirë dhe kushtet fiziket.
Shërbimi i burgjeve të Kosovës do të rindërtojë burgun e Gjilanit gjatë dy viteve të ardhshme sipas standardeve daneze para se të pranojë të dënuarit nga vendet joanëtare të Bashkimit Evropian, të cilët do të deportoheshin nga Danimarka, pas dënimit. Të dënuarit e parë pritet që të transferohet brenda 21-25 muajve pasi të fillojë renovimi i burgut, gjë që pritet brenda pak javëve. Megjithatë, një marrëveshje e tillë, po kritikohet.
