Një ngjarje e rëndë raportohet mëngjesin e sotëm në Rrogozhinë. Klevis Kapllani u gjet i vrarë në automjetin e tij, në fshatin Sinaballaj.
33-vjeçari rezulton se ishte i dënuar në Itali për trafik droge. Kapplani ishte kthyer në Shqipëri nga Italia rreth 2 vite më parë, dhe gjatë kësaj kohe nuk ka rezultuar që të ketë pasur konflikt me persona të tjerë.
Ndërkohë dyshimet paraprake janë se ngjarja mund të ketë ndodhur për shkak të kaluarës së tij vendin fqinj.
Njoftimi i policisë për ngjarjen:
Më datë 15.09.2020, rreth orës 06:00, në fshatin Sinaballaj të Rrogozhinës, është gjetur pa shenje jete në mjetin e tij, dyshohet si pasojë e përdorimit të armës së zjarrit, shtetasi K.K., 33 vjeç.
Është ngritur menjëherë një grup i posaçëm hetimor i përbërë me Specialistët të Drejtorisë Vendore të Policisë Tiranë dhe Specialistë të Komisariatit të Policisë Kavajë dhe nën drejtim e Prokurorisë vijon puna për fiksimin e çdo prove materiale që do çonte në zbardhjen e ngjarjes, identifikimin dhe kapjen e autorëve.
