Janë publikuar pamjet nga momenti i vrasjes së nënkomisarit Saimir Hoxha. Gazetarja Klodiana Lala ka siguruar videon e momentit, kur makina e policisë “Land Rover” ndalon e para dhe një efektiv zbret në tokë dhe i bën shenjë për të ndaluar makinës ku ishte 21-vjeçari Aldi Rama dhe dy shokët e tij.
Grupi i kontrollit lishte në përbërje tre punonjës të policisë dhe në krye ishin shefi i Seksionit për Hetimin e Krimeve në Komisariatin e Policisë Lezhë Leonard Palushi dhe specialisti i zonës Petrit Doda.
Policët kanë qenë të veshur civilë, ndërsa njëri prej tyre mbante veshur jelek fosforeshent mbi të cilin shkruhej “Policia”. Gjatë kontrolleve, ata konstatuan një parcel me bimë narkotike, prej të cilave disa u asgjësuan dhe disa u sekuestruan në cilësinë e provës materiale.
Kur po ktheheshin nga parcela, rreth 500 metra nga ku u asgjësuan bimët narkotike, grupi i kontrollit është shkëmbyer me automjetin tip “Volksëagen” me targa AA984TL, në vendin e quajtur Vain, Ishull Lezhë. Pasi është shkëmbyer me automjetin e policisë, mjeti “Volsëagen” është kthyer dhe ka lëvizur në drektim të qytetit të Lezhës, teksa ka qëndruar pas makinës së policisë.
Grupi i kontrolli e ndaloi automjetin për kontroll, në vendin e quajtur “Postblloku i Zonës së Mbrojtur Kune Vain”. Punonjësit e policisë u kanë kërkuar personave që ndodhesin në automjet dokumentet e identifikimit dhe kanë kontrolluar fizikisht shtetasit Armando Marku dhe Kristjan Sherri, të cilët iu bindën urdhrit të policisë. Kur efektivi Saimir Hoxha i ka kërkuar Aldi Ramës mjetin e identifikimit, ky i fundit ka refuzuar dhe ka thënë “Unë nuk jam për t’u kontrolluar”. Në atë moment ai ka nxjerrë armën dhe ka qëlluar dy herë në drejtim të Hoxhës. Nënkomisari ndërroi jetë rrugës për në spital, ndërsa Aldi Rama pas disa orëve rezistencë tentoi të vetëvritej, siç ka deklaruar policia. I riu ndërroi jetë në spitalin e Traumës mëngjesin e sotëm.
