Pamje të reja nga operacioni i sekuestrimit të rreth 1.1 tonë kanabis në Greqi janë publikuar ditën e sotme. Rojet bregdetare pikasën një gomone të ngarkuar me lëndë narkotive, dhe iu vunë pas për ta kapur.
Mediat vendase kanë publikuar videon nga momenti i ndjekjes me helikopter të gomones ndërsa forcat bregdetare kanë qëlluar disa herë duke paralajmëruar dhe bërë thirrje që mjeti lundrues të ndalojnë.
Tentativat për të shpëtuar ishin zero në momentin që u rrethuan në det, por edhe po ndiqeshin nga ajri me helikopter, duke i detyruar skafistët që të dorëzoshin.
Sipas mediave greka droga vinte nga Shqipëria, ndërsa është kapur edhe skafisti shqiptar, bashkë me dy persona të tjerë, duke e çuar në tre numrin e të arrestuarve. Nëse do të përfundonte në treg, vlera e drogës do të arrinte në rreth 2 milionë euro.
