“Dako është jashtë juridiksionit të Prokurorisë, sepse e mbron Rama”, PD-ja e Durrësit reagon ashpër pas arrestimeve për tërmetin

Google+ Pinterest LinkedIn Tumblr +

Pas nënkryetarit të PD, Edi Paloka, në lidhje me arrestimet ka reaguar edhe kreu i PD për Durrësit, Ferdinand Xhaferraj.

Sipas tij, përgjegjësi kryesor për masakrën në Durrës është Vangjush Dako.

Xhaferraj u shpreh se pas dy jave hetimesh, u ndaluan vetëm disa cironka.

Kreu i PD për Durrësi ka akuzuar kryeministrin Edi Rama, se po mbron Dakon nga hetimet.

Xhaferraj ndër të tjera ka thënë se Dako kishte krijuar një piramidë në Durrës, duke shhitur betonin e firmosur lejet.

“Për më shumë se një dekadë në krye të piramidës së ndërtimeve  dhe masakrës urbane në Durrës ka qenë kreu i Bashkisë së Durrësit, Vangjush Dako. Prokuroria ka investiguar për më  shumë se dy javë dhe puna e saj, sa intensive aq edhe profesionale, ka rezultuar në ndalimin e cironkave të përgjegjësisë për dramën që po kalon qyteti. Dako dhe shpura e tij nuk mund të hetohen nga prokuroria sepse Dako është pranë Ramës dhe me Ramën, që nga Durrësi deri në Stamboll. Piramida e krijuar nga Dako firmoste për ndërtimet, shiste beton për ndërtimet, supervizonte ndërtimet, firmoste dhe vuloste për të dhënë financimet. Por Dako është jashtë juridiksionit të prokurorisë, për  faktin e thjeshte se është nën  juridiksionin e Ramës” thuhet në reagimin e PD-së së Durrësit.

Shpërndaje
Share.

Komento