Të afërmit e fëmijëve në kampin Al Hol në Siri nuk janë lajmëruar Ministria e Brendshme se kur do të bëhet riatdhesimi. Daja e Endrit Dumanit, Xhetan Ndregjoni, thotë se nipi i tij Endriti ka dalë nga kampi, por nuk ka asnjë informacion për mbesën, Evën.
“Në dijeni time, vetëm nipi është liruar. Lajmin ma kanë konfirmuar njerëzit që kam kontakt unë, jo nga qeveria. Mbesën nuk kanë arritur dot që ta gjejnë. M besa është 15-vjeçe. Është marrë vetëm nipi nga kampi, për mbesën nuk kam informacion”.
Mundet që vajza të ketë refuzuar të kthehet, por për këtë nuk ka lajme zyrtare. “Nuk e di nëse ka refuzuar, nuk kam pasur komunikim që prej datës 6 tetor. Mbesa ka kërkuar që të dalë nga kampi, kemi qenë në kontakt të vazhdueshëm. Inshallah në ditën në vijim kthehet mbesa”, tha Dumani pasi mori vesh për operacionin e riatdhësimit të 4 fëmiëjve.
Kërkesa
Daja i dy të miturve Endrit dhe Eva Dumani i kërkon shtetit të ndërhyjë për riatdhesimin e të dy fëmijëve që ndodhen prej 6 vitesh në zonën e luftës në Siri.
Prej shumë kohësh për ta është kujdesur gjyshja e tyre Mentije Dumani, por ajo ndërroi jetë pak ditë më parë në kampin Al-Holn. Ajo shkoi atje sepse kishte kujdestarinë e fëmijëve pasi i biri u vra në luftë.
“Nuk e di se kush i ka në kujdestari fëmijët dhe se në duart e kujt janë. Kemi pasur vetëm disa komunikime të shkurtra me audio”, tha Xhetani.
Me lot në sy ai tregoi se sa shumë mungojnë dy nipat dhe akoma më shumë motrës së tij. Ata kanë komunikuar vazhdimisht me vajzën por sëfundmi dhe komunikimi me të është ndërprerë.
“Me telefon kemi komunikuar me një numër nga Maqedonia që ma përcjellin mua. Më parë kemi komunikuar me një numër të zakonshëm”, tregon Ndregjoni.
Dy fëmijët u larguan me të atin Shkëlzen Dumanin i cili gënjeu të shoqen, mori autorizimin e saj dhe bashkë me fëmijët iu bashkua luftës së shtetit islamik.
Ai vdiq gjatë luftimeve të grupit islamik, ndërsa tashmë pas 6 vitesh familjarët shpresojnë që ata të kthehen me ndihmën e qeverisë.
/GazetaReforma.com/
