Bandat shqiptare të narkotrafikut kanë tërhequr sërish vëmendjen e mediave spanjolle, të cilat kanë nxjerrë detaje se si funksionojnë këto grupe. “El Confidencial” i ka kushtuar një artikull të gjatë një prej anëtarëve të më të rrezikshëm të bandës shqiptare, i cili konsiderohet si sadist. Sipas media spanjolle, shqiptari i identifikuar me inicialet D.N., bërtet dhe afron tytën e tij të armës pranë kokës së personit që kërcënon.
“D.N.” është një nga “fantazmat e shumta” të krimit të organizuar që bredh në Costa del Sol dhe pas gjurmë gjaku, të shkaktuara nga trafiku i drogës. Ai u la i lirë, edhe pse u arrestua një vit më parë pasi kishte rrëmbyer një person në Benalmádena. Agjentët gjetën një dhomë torture në shtëpi, brenda të cilës kishte një sharrë, gërshërë krasitjeje dhe një pistoletë me silenciator. Por videoja e fundit është kapur rreth orës 21:00 të datës 13 prill. Ambjenti ishte një restorant në Qendrën Tregtare Guadalmina në Marbella, ku D.N. dhe dy shoqëruesit e tij, u takuan me një tjetër shqiptar për të diskutuar lidhur me një sasi të vogël marijuanë.
Biseda filloi të “nxehet” dhe viktima nxjer një thikë dhe e tund për të frikësuar palën tjetër. Por ai nuk ia doli. D.N. nxori një armë nga hiçi dhe qëlloi pa mëshirë. I riu tenton të arratiset përmes tarracës së lokalit, por përfundon nuk ia del. Qitësi i afrohet dhe vazhdon t’i gjuajë duke i bërtitur. Ai synon kokën por kur i afrohet…ndalon. Më pas, D.N. dhe dy shokët e tij largohen nga lokali. Pas lënë të plagosurin me 10 plumba, shumicat në këmbë. Jeta e tij u shpëtua falë një mjeku, i cili që ndodhej në vendngjarje. Mjeku i ndali gjakderdhjen e shkaktuar nga këputja e pjesshme e arteries femorale.
Të njëjtin agresor, Policia spanjolle e ka identifikuar si kreun e bandës së rrëmbyesve që më 3 maj 2023 kreu pengmarrjen e një biznesmeni. Në dhomën e torturës, ai u zbuloi rrëmbyesve të tij rrugën drejt “50 bitcoin” që kishte në portofolin e tij, shumë që përllogaritej 1.3 milion euro.
