Ministri i sapoemëruar i Brendshëm, Bledi Çuçi ka vizituar këtë të dielë familjen e 25-vjeçarit të ndjerë Klodian Rasha, i cili u vra nga efektivi i policisë Nevaldo Hajdaraj.
Në vizitën që ka zgjatur rreth 10 minuta, Çuçi është shoqëruar nga zyrtarë të lartë të Policisë së Shtetit.
Kujtojmë se Çuçi ka vetëm tre ditë që e ka marrë zyrtarisht detyrën, pas largimit të Sandër Lleshajt.
Lleshaj ndërkohë dha dorëheqjen pas vrasjes së 25-vjeçarit nga efektivi i policisë, i cili e ndoqi pranë banesës së tij, pasi e vuri re se kishte thyer orën policore.
Vrasja që tronditi vendin u pasua nga protesta të dhunshme që zgjatën për 7 ditë.
Në familjen Rasha kanë shkuar edhe më herët disa herë për vizitë kryeministri Rama dhe ish-ministri i Brendshëm Sandër Lleshaj./Gazetareforma.com/
