Mjeku i njohur Halim Kosova ka folur rreth situatës së pandemisë në vendin tonë emisionin Open të Eni Vasilit. Ish-kandidati i PD për Bashkinë e Tiranës ka thënë se tashmë është virusi ai që po e drejton vetë Komitetin Teknik të Ekspertëve. Kosova është shprehur se nuk mjafton vetëm një komitet dhe se bluzat e bardha duhet të mobiliozohen
“Covid vetë po e drejton deri tani komitetin. Është një armik i fuqishëm dhe bluzat e bardha duhet të mobilizohem, nuk mjafton një komitet.Ilir Alimehmeti është i vetmi epidemiolog që ka studiuar jashtë e po qëndron në vendin tonë. Sa më afër profesionit të jenë aq më të suksesshëm do të jenë në punën e tyre. Kur krijoi Basha komisionin anticovid unë thash që ca e duam ne kur është puna e qeverisë. Opozita duhet të ndjekë çfarë mungon dhe situatat emergjente”, ka thënë Kosova.
Ndër të tjera ish-deputeti ka thënë se i vjen ta marr Ramën në telefon e ta zgjidhi situatën për dy javë. Sipas tij profesionalizmi nuk vjen se merr një postë të caktuar, por me eksperiencën.
“Unë nuk i ndahem , që ti të ndryshosh diçka në shëndetësi duhet ta kesh në zemër atë punë, nga aty do shkojë në tru, që të bësh një gjë për popullatën. Nuk ka njerëz profesionistë, se emërohesh në këtë karrige, por bëhesh me eksperiencë , unë jam rritur me pacientin. Kushdo që ndjen që do të bëjë diçka të përveshë mëngët. Po të isha ministër do jepja një numër telefoni, që kushdo ka ide për zgjidhjen e situatës të flasë.
Sekreti është të bësh gjerat e thjeshta në mënyrë rigoroze. Më vjen ta marr Ramën në telefon ta zgjidh situatën për dy javë“, është shprehur Kosova.
