Duke se koronavirus përveç efekteve të tij të rënda që po i shfaq tek të moshuarit, tanimë është e qartë se ky virus nuk po kursen as moshat e reja.
Këtë të mërkurë, u shënuan tre viktima. Fillimisht u njoftua për kooridnatorin e LSI, më pas për policin 49 vjeçar nga Fieri dhe viktima e fundit, që u shënua mesditën e sotme, ishte 22 vjeçarja që humbi betejën te Shefqet Ndroqi.
22-vjeçarja për shkak të gjendjes shëndetësore kishte lindur me operacion foshnjën e saj, në momentin që ajo ka qenë e intubuar.
Disa ditë më parë, pasi kishte shkuar atje shtatë muajshe shtatëzënë, mjekët vlerësuan situatën dhe ndërhynë për të hequr foshnjen sepse e reja ndodhej në rrezik serioz për jetën.
Por Sidorela Koça nuk ia doli në betejën e saj me Covid dhe ndërroi jetë në spitalin Covid 2.
Një tjetër viktimë ishte inspektoi i policisë Bujar Mema, 49 vjeç, nga qyteti i Fierit.
Mema ishte infektuar me virusin dy javë më parë dhe ishte i shtruar në një nga spitalet e Covid këtu në kryeqytet.
Ai ndërroi jetë pas komplikacioneve të shkatkuara nga covid. Ndarja para kohe nga jeta është një humbje e madhe për familjen dhe të afërmit. Bujari ishte baba i dy djemve.
Për kolegët e Drejtorisë së Policisë së Fierit, Bujari njihej për korrektësinë në detyrë dhe ishte i respektuar nga të gjithë.
Rasti tjetër u njoftua nga kryetarja e LSI, Monika Kryemadhi, e cila dërgoi një mesazh ngushëllimi për koordinatorin e kësaj partie në Astir.
Viktima sapo ishte kthyer nga Gjermania dhe do e ndihmonte për fushatën elektorale. Ajo publikoi edhe mesazhin e tij të fundit 30 ditë më parë ku i shkruante: ”Mona si je? Fëmijet si janë? Unë kam ardhur dhe më ke deri në fund të fushatës.”
Kryemadhi tha se Eno do i mungojë për shakatë e tij, por i premton se familja e tij nuk do të jetë kurrë vetëm.
Kujtojmë se prej ditësh tashmë, infektimet dhe vdekjet kanë kapur shifra rekord. Shkurti ishte dhe muaji me bilancin më të zi, pasi në vetëm 28 ditë u shënuan 300 vdekje në gjithë vendin.
